من نحن؟
شركة DEER مش مجرد شركة بتبيع أونلاين لا دا كيان هايكبر وحلم انا كنت بحلم بيه من زمان واحنا شغالين ف مجال الملابس والشوز الحريمى والرجالى الكاجول أقسام البيع والتسويق اونلاين عن طريق السوشيال ميديا و الموقع اللى هايكون متاح قريباً جداً ان شاء الله التسويق بالعمولة ودا هايساعد أكبر عدد من الشباب والبنات انهم يكونوا معانا ويحققوا أرباح كويسة ولقدام شوية ان شاء الله هايكون فى مكافأت عظيمة جداً للناس عند تحقيق تارجت معين من المبيعات وياريت نفرق بين التسويق بالعمولة وبين تكوين الفرق .. التوزيع جملة للمحلات وبالفعل الصعيد محتاج اللى يقدر يخدمه ويكون نقطة مركزية بالنسباله ومن دلوقتي فى محلات بدأت تتواصل معانا علشان نوفرها منتجات ونقدملها بعض التسهيلات اللى تساعدهم وتوفر عليهم مسافات سفر علشان يجيبوا بضاعة ودا هايكون متوفر على أول الصيف ان شاء الله النقطة الأهم والهدف من البوست أى شخص يقدر يساعد ويتعاون معايا ف النقاط اللى هاذكرها ف ياريت جداً وهنا انا بتكلم عن شغل مش مجرد توجيه منك يعنى هاتكمل ف الاختصاص بتاعك للأخر لحد ما نوفر إحتياجاتنا تانى انا مش محتاج ناس مجرد توجيه لا .. انا عايز شخص يقول انا معاك وهانعمل كذا كذا ولو مش هاتتعامل بما يرضى الله ف إبعد والنبى 1- التصميم والتصنيع والتعامل مع المصانع وهنا انا بتكلم على تصميم ملابس 2- التغليف بكل حاجة فيه وتوفير كل اللى هانحتاجه 3- تصوير المنتجات كاميرا 4- موديل سواء ولد او بنت ودول الأفضل يكونوا من المنيا 5- شخص متمكن جداً ف الاعلانات الخاصة بالشغل اللى ذكرته فوق 6- شخص متميز جداً ك أفكار ف التسويق والتعامل ف السوشيال ميديا وياريت ماحدش يقول الحاجات العادية اللى اكيد انا هاكون عاملها وهاكون سعيد جداً بالتعاون مع كل شخص فاهم
ماذا نفعل ؟
تعالوا نستعرض بعض الخدمات اللي بيقدمها الموقع أولاً : الشراء من خلال الموقع والدفع عند الإستلام من خلال الموقع انت بتعرف كل المنتجات المتاحة وتفاصيلها وايه المقاسات اللى متوفرة منها وكل مقاس بيلبس لحد كام كيلو وتفاصيل أكتر عن خامة المنتج ثانياً : خدمة التسويق بالعمولة ومن خلال الخدمة دى انت ك مسوق بيكون ليك التوكيل الخاص بيك على الموقع اللى من خلاله بتطلب كل الاوردرات بتاعتك وبتوصل من خلال شركة الشحن للعملاء الخاصين بيك التوكيل بتاعك بيوفرك كل التفاصيل اللى انت محتاجها أدق التفاصيل حرفياً هاتلاقيها ... انت اشتريت بكام خلال وقت قد ايه ولمين والأوردر اتسلم لشركة الشحن ولا لسه طيب لو اتسلم ف هو حالياً فين طيب العميل إستلم ولا لا طيب انت أرباحك كام طيب سحبت كام ومتبقى كام طب التارجت اللى انت شغال عليه ايه وحققت قد ايه منه وايه المكافأة بتاعته وتفاصيل أكتر كمان ثالثاً : ودى خدمة تحت الدراسة ولكن ان شاء الله هانفعلها وهى التعاون مع أصحاب المشاريع اللى بتجد صعوبة ف البيع والإنتشار ومن خلال الموقع بنعملك المتجر الخاص ب منتجاتك واللى بتعرض عليه كل شغلك وهاتلاقى كل التقارير اللى بتعرف من خلالها ايه اللى إتباع وبكام ودا بيساعدك على الإنتشار بشكل أكبر خارج المحيط اللى بتعتمد عليه ف البيع
لماذا نحن ؟
لما بدأنا ف تأسيس كيان Deer كنا عارفين أيه مخاوف الناس من الأونلاين ودا اللى إشتغلنا عليه الحمد لله المشكلة الأولى : فكرة انك تجيب منتج حتى لو سعره رخيص ، ولكن تفقد الثقة فيه بعد أول إستخدام ف دى أزمة كبيرة جداً بالنسبالك ؛ وعلشان كدا كان إختيارنا الأول هو منتج بخامات تكمل معاك المشكلة التانية : هى عدم معرفتك بهوية المكان اللى بتشترى منه لأنها غالباً بتكون صفحة فقط ودا بيُمثل بالنسبالك أزمة ثقة ولكن إحنا هنا "منظومة" ولينا المكان الخاص بينا ف المنيا وتقدر تزورنا ف أى وقت المشكلة التالتة : "خدمة ما بعد البيع" كتير حصل معاك انك تتطلب حاجة أونلاين ويكون فيها مشكلة ولكن ما تقدرش ترجعها او يكون فى تباطئ من الصفحة ف التواصل معاك لتبديل المنتج ولكن بالنسبالنا إهتمينا بخدمة ما بعد البيع نفس أهمية ما قبل البيع لأننا واثقين إنك هتكون فرد من العيلة مش مجرد عميل إشترى منتج من عندنا المشكلة الرابعة : عدم الأمان بالنسبالك ان الصفحة اللى بتشترى منها يهمها مصلحتها هى فقط حتى لو كان على حسابك إنت شخصياً ولكن معانا هتعرف اننا رقم واحد بالنسبالنا هى مصلحتك وده هاتشوفوا من العروض اللى هاتستفيد بيها وتوفر عليك كتير جداً ولما تكون عميل مميز هتكون برضو عروضك مميزة من الأخر هتشوف انك شريك ف المكان مش مجرد عميل بيشترى ويمشى معانا هتحس بالإختلاف والتميز
اول مرة اتعامل مع شركة وده عن طريق الاونلاين ويكونوا متميزين ...... 😍 اولاً ف كواليتى الحاجة اللى بيقدموها والحاجة التانية فى خدمة ما بعد البيع وانه يبقى عاوز يعرف رأى العميل فى اللى استلمه بالاضافة لحسن اختيارهم للناس اللى بتمثل الشركة ✅💖 جزيل الشكر شركة DEER بالاضافة انهم لا يعرفونى ولا اعرفهم وده اول تعامل بينا فانا كسبت فى سحب معاهم وكان اختيارى مابين استلم اى منتج من منتجاتهم او نقدى 1000 جنيه 👌